కేవలం రోబోలను తయారుచేయడమే కాకుండా, వాటికి ప్రాణం పోసే డిజిటల్, టెలికమ్యూనికేషన్ మౌలిక సదుపాయాలను నిర్మించడంలో కూడా చైనా ఎంతో వేగంగా దూసుకుపోతోంది. చైనా టెలికమ్యూనికేషన్స్ విభాగం (MIIT) అందించిన డేటా ప్రకారం, ఈ ఏడాది జూన్ నాటికి దేశవ్యాప్తంగా 51 లక్షలకు పైగా 5G బేస్ స్టేషన్లను విజయవంతంగా నిర్మించారు. ప్రస్తుతం 5G-A (అడ్వాన్స్డ్), 10-గిగాబిట్ హై-స్పీడ్ బ్రాడ్బ్యాండ్ నెట్వర్క్లు కూడా చైనా ప్రజలకూ, పరిశ్రమలకూ అందుబాటులోకి వస్తున్నాయి. ఈ అత్యంత వేగవంతమైన నెట్వర్క్ సహాయంతో ఏఐ (AI) ఆధారిత స్మార్ట్ ఫోన్లు, కళ్లద్దాలు, రోబోల పనితీరు మరింత సమర్థంగా మారుతోంది.
