పాలకూర ఆరోగ్యానికి ఎంతో మేలు చేసే ఆకుకూరల్లో ఒకటి. ఇందులో ఐరన్, ఫైబర్, విటమిన్-ఏ, విటమిన్-సీ, ఫోలేట్ వంటి అనేక పోషకాలు సమృద్ధిగా ఉంటాయి. అందుకే చాలామంది పాలకూరతో కూరలు, పప్పు, పరాటాలు, సూప్లు, సలాడ్లు, స్మూతీలు వంటి అనేక వంటకాలు తయారు చేసుకుంటారు. అయితే పాలకూర ఎంత ఆరోగ్యకరమో, దాన్ని సరిగ్గా శుభ్రం చేయడం కూడా అంతే ముఖ్యం. ముఖ్యంగా వర్షాకాలంలో పాలకూర ఆకులపై మట్టి, దుమ్ము, చిన్న పురుగులు, బ్యాక్టీరియా వంటి హానికరమైన పదార్థాలు ఎక్కువగా ఉండే అవకాశం ఉంటుంది. వాటిని శుభ్రం చేయకుండా వాడితే ఆరోగ్య సమస్యలు వచ్చే ప్రమాదం ఉంది.
