బుధవారం ఉదయం 9:05 గంటలకు మనీకంట్రోల్ వెల్లడించిన లైవ్ మార్కెట్ వివరాల ప్రకారం, మల్టీ కమోడిటీ ఎక్స్చేంజ్ (MCX)లో బంగారం ధర గణనీయంగా తగ్గింది. అక్టోబర్ 5 ఫ్యూచర్ కాంట్రాక్టులో 24 క్యారెట్ల బంగారం ధర 10 గ్రాములకు రూ.1,49,751 వద్ద ట్రేడవుతోంది. గత ట్రేడింగ్ సెషన్ ముగింపు ధరతో పోలిస్తే ఇది రూ.1,978 తగ్గింది. అంటే ఒక్క సెషన్లోనే బంగారం ధరలో భారీ కరెక్షన్ నమోదైంది. వెండి ధరల్లోనూ ఇదే తరహా పతనం కనిపించింది. డిసెంబర్ 4 ఫ్యూచర్ కాంట్రాక్టులో MCXలో కిలో వెండి ధర ప్రస్తుతం రూ.2,22,591 వద్ద ట్రేడవుతోంది. గత ట్రేడింగ్ సెషన్ ముగింపు ధరతో పోలిస్తే కిలో వెండిపై రూ.3,658 తగ్గింది. దీంతో వరుసగా కొన్ని సెషన్లుగా కనిపిస్తున్న ధరల హెచ్చుతగ్గుల్లో భాగంగా వెండి మార్కెట్లోనూ గణనీయమైన ఒత్తిడి నెలకొంది.
