Last Updated:
సమంత నటించిన ‘మా ఇంటి బంగారం’ సినిమా విడుదలైన తర్వాత ప్రేక్షకుల నుంచి మంచి స్పందన లభిస్తోంది. ఈ నేపథ్యంలో సమంత ఎమోషనల్గా స్పందిస్తూ ప్రేక్షకుల ప్రేమకు కృతజ్ఞతలు తెలిపింది.
టాలీవుడ్ స్టార్ హీరోయిన్ సమంత ప్రధాన పాత్రలో నటించిన తాజా చిత్రం ‘మా ఇంటి బంగారం’ ప్రస్తుతం దేశవ్యాప్తంగా మాత్రమే కాకుండా విదేశాల్లో సత్తా చాటుతోంది. దర్శకురాలు నందినీ రెడ్డి తెరకెక్కించిన ఈ ఫ్యామిలీ యాక్షన్ ఎంటర్టైనర్ విడుదలకు ముందు నుంచే భారీ అంచనాలు నెలకొల్పగా, విడుదల తర్వాత ఆ అంచనాలను మించి ప్రేక్షకుల ఆదరణను సొంతం చేసుకుంది. ముఖ్యంగా మహిళా ప్రాధాన్యత కలిగిన కథతో పాటు భావోద్వేగాలు, కుటుంబ అనుబంధాలు, యాక్షన్ అంశాలను సమతుల్యంగా మేళవించిన తీరు ప్రేక్షకులను ఆకట్టుకుంటోంది.
తొలుత ఈ సినిమాను ఒక మధ్యస్థాయి చిత్రంగా భావించిన సినీ విశ్లేషకులు, విడుదల తర్వాత వచ్చిన స్పందనను చూసి ఆశ్చర్యం వ్యక్తం చేస్తున్నారు. తక్కువ బడ్జెట్తో తెరకెక్కినప్పటికీ, కంటెంట్ పరంగా భారీ చిత్రాలకు ఏమాత్రం తీసిపోని విధంగా ఈ సినిమా రూపొందిందనే ప్రశంసలు వినిపిస్తున్నాయి. ముఖ్యంగా సమంత నటన ఈ సినిమాకు ప్రధాన బలంగా నిలిచిందని ప్రేక్షకులు చెబుతున్నారు.
‘మా ఇంటి బంగారం’ చిత్రంలో సమంత పోషించిన పాత్ర ప్రేక్షకులను భావోద్వేగాలకు గురిచేస్తూనే, మహిళల ఆత్మగౌరవం, కుటుంబం కోసం చేసే త్యాగాలను ప్రతిబింబించేలా ఉందని సినీ విమర్శకులు పేర్కొంటున్నారు. గత కొన్నేళ్లుగా ప్రయోగాత్మక పాత్రలను ఎంచుకుంటున్న సమంత, ఈ సినిమాతో మరోసారి తన నటనా ప్రతిభను నిరూపించుకుందని అభిమానులు అభిప్రాయపడుతున్నారు.
ఇక బాక్సాఫీస్ విషయానికి వస్తే, ఈ చిత్రం విడుదలైన మొదటి వారంనుంచే మంచి వసూళ్లను రాబట్టింది. ముఖ్యంగా తెలుగు రాష్ట్రాల్లో కుటుంబ ప్రేక్షకుల నుంచి భారీ స్పందన లభించడంతో కలెక్షన్లు స్థిరంగా కొనసాగాయి. వీకెండ్లలో థియేటర్లు హౌస్ఫుల్ బోర్డులతో కళకళలాడాయి. ఈ చిత్రం విజయానికి ప్రధాన కారణాల్లో ఒకటి మౌత్ పబ్లిసిటీ అని ట్రేడ్ వర్గాలు చెబుతున్నాయి.
దేశీయ మార్కెట్తో పాటు ఓవర్సీస్లో కూడా ‘మా ఇంటి బంగారం’ సత్తా చాటుతోంది. అమెరికా, ఆస్ట్రేలియా, యూకే, గల్ఫ్ దేశాల్లోని తెలుగు ప్రేక్షకులు ఈ చిత్రానికి విశేష ఆదరణ చూపిస్తున్నారు. ఇప్పటివరకూ 1.9 మినియన్ డాలర్లు వసూలు చేసింది. ముఖ్యంగా అమెరికాలోని తెలుగు కమ్యూనిటీ ఈ చిత్రాన్ని ఆదరించడంతో ఓవర్సీస్ కలెక్షన్లు ఆశాజనకంగా నమోదవుతున్నాయి. విడుదలై కొన్ని వారాలు గడిచినా, ఇంకా అనేక ప్రాంతాల్లో ఈ సినిమా విజయవంతంగా ప్రదర్శితమవుతుండటం విశేషం.
సోషల్ మీడియాలో కూడా ఈ చిత్రానికి సంబంధించిన చర్చలు కొనసాగుతూనే ఉన్నాయి. సమంత నటన, భావోద్వేగ సన్నివేశాలు, బ్యాక్గ్రౌండ్ స్కోర్, క్లైమాక్స్ సన్నివేశాలపై ప్రేక్షకులు ప్రశంసలు కురిపిస్తున్నారు. అనేక మంది సినీ ప్రముఖులు కూడా ఈ చిత్ర బృందాన్ని అభినందిస్తూ సోషల్ మీడియాలో పోస్టులు చేశారు. అయితే మా ఇంటి బంగారం సినిమా నుంచి డిలీటెడ్ సీన్స్, బ్లూపర్స్ను విడుదల చేశారు.
ప్రస్తుతం ‘మా ఇంటి బంగారం’ విజయంతో సమంత కెరీర్లో మరో మైలురాయి చేరినట్లయింది. వ్యక్తిగత జీవితంలో ఎన్నో సవాళ్లను ఎదుర్కొన్నప్పటికీ, నటిగా తన ప్రతిభతో ప్రేక్షకుల మనసులను గెలుచుకుంటూ ముందుకు సాగుతున్న సమంతకు ఈ సినిమా మరో గొప్ప విజయంగా నిలిచింది. ఇక ఈ చిత్రం ఓటీటీలో ఎప్పుడు విడుదల అవుతుందా అని అభిమానులు ఆసక్తిగా ఎదురుచూస్తున్నారు.
Click here to add News18 as your preferred news source on Google. సినిమా న్యూస్, మూవీ అప్డేట్స్, సినిమా రివ్యూస్, OTT అప్డేట్స్, టీవీ షోస్, రియాల్టీ షోస్, వెబ్స్టోరీస్ ఈ కేటగిరీలో చూడొచ్చు. న్యూస్ 18 తెలుగులో లేటెస్ట్ ఎంటర్టైన్మెంట్ అప్డేట్స్ చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
Hyderabad,Telangana
