Last Updated:
పండుగల సీజన్లో తెలంగాణ పోస్టల్ సర్కిల్ ప్రజలకు స్పెషల్ సదుపాయాలు అందుబాటులోకి తీసుకొచ్చింది. ఇంతకీ పోస్టాఫీసుల్లో ఇప్పుడు ఏం దొరుకుతుంది? ఈ ప్రత్యేక సేవలను ఎక్కడ పొందవచ్చు? పండుగల వేళ పోస్టాఫీసు అందిస్తున్న ఈ ఆసక్తికరమైన సదుపాయాల పూర్తి వివరాలను తెలుసుకోండి.
పండుగల సీజన్ను దృష్టిలో ఉంచుకుని తెలంగాణ పోస్టల్ సర్కిల్ ప్రజలకు ప్రత్యేక ఉత్పత్తులు, సేవలను అందుబాటులోకి తీసుకొచ్చింది. శ్రావణమాసం సందర్భంగా ఆధ్యాత్మిక అవసరాలకు ఉపయోగించే గంగాజలంతో పాటు రక్షాబంధన్ సందర్భంగా రాఖీలు సురక్షితంగా పంపించుకునేందుకు ప్రత్యేక పోస్టల్ కవర్లను అందుబాటులో ఉంచినట్లు తెలిపింది. పండుగల సమయంలో ప్రజలకు మరింత సౌకర్యవంతంగా పోస్టల్ సేవలను అందించడమే ఈ ప్రత్యేక ఏర్పాట్ల ఉద్దేశంగా పేర్కొంది.
