Last Updated:
Lalithaa Jewellery IPO | లలితా జువెలరీ మార్ట్ ఐపీఓకు ఇన్వెస్టర్ల నుంచి మంచి స్పందన లభించింది. తొలిరోజే 69 శాతం సబ్స్క్రైబ్ అయిన ఈ ఐపీఓ వివరాలు, షేర్ ధర, పెట్టుబడిదారులకు కేటాయింపులు ఇప్పుడు తెలుసుకుందాం.
లలితా జువెలరీ మార్ట్ లిమిటెడ్ ఐపీఓకు తొలిరోజే మంచి స్పందన వచ్చింది. సోమవారం బిడ్డింగ్ ప్రారంభమైన రోజునే ఐపీఓ 69 శాతం సబ్స్క్రైబ్ అయింది. ఈ ఐపీఓ ద్వారా కంపెనీ విస్తరణకు కావాల్సిన నిధులు సమీకరించుకోవాలని చూస్తోంది. ఎన్ఎస్ఈ డేటా ప్రకారం, మొత్తం 6,27,61,403 షేర్లు అందుబాటులో ఉండగా, 4,35,37,826 షేర్లకు బిడ్లు వచ్చాయి. రిటైల్ ఇన్వెస్టర్లకు కేటాయించిన వాటా 74 శాతం సబ్స్క్రైబ్ అయింది. క్వాలిఫైడ్ ఇన్స్టిట్యూషనల్ బయ్యర్స్ (క్యూఐబీలు) విభాగం 67 శాతం సబ్స్క్రైబ్ అయింది. నాన్-ఇన్స్టిట్యూషనల్ ఇన్వెస్టర్ల వాటాకు 61 శాతం సబ్స్క్రిప్షన్ వచ్చింది. ఇన్వెస్టర్గెయిన్ పోర్టల్ ప్రకారం ఈ ఐపీఓకి 13 శాతం గ్రే మార్కెట్ ప్రీమియం ఉంది.
