Petrol Diesel Prices: పెట్రోల్ కొట్టించే ముందు ఇది చూడండి.. జూలై 24 తాజా ధరలు విడుదల | బిజినెస్

తెలుగు రాష్ట్రాల్లో హైదరాబాద్‌లో లీటర్ పెట్రోల్ ధర రూ.115.69, డీజిల్ ధర రూ.103.82గా కొనసాగుతోంది. విజయవాడలో పెట్రోల్ ధర రూ.117.25, డీజిల్ ధర రూ.104.96గా నమోదైంది.

దేశంలోని ప్రధాన నగరాల ధరలను పరిశీలిస్తే, పెట్రోల్ అత్యధిక ధర హైదరాబాద్‌లోనే కొనసాగుతోంది. అక్కడ లీటర్ పెట్రోల్ రూ.115.69 ఉండగా, రెండో స్థానంలో తిరువనంతపురం రూ.115.49తో ఉంది. డీజిల్ ధరల విషయంలో తిరువనంతపురం రూ.104.40తో దేశంలోనే అత్యధికంగా నమోదైంది. హైదరాబాద్‌లో డీజిల్ రూ.103.82గా ఉండగా, జాబితాలో చండీగఢ్‌లో అత్యల్పంగా రూ.86.09కు లభిస్తోంది.

ఇటీవల పశ్చిమాసియా (వెస్ట్ ఆసియా)లో నెలకొన్న ఉద్రిక్త పరిస్థితుల కారణంగా అంతర్జాతీయ మార్కెట్లో ముడి చమురు ధరలు పెరగడంతో, చమురు మార్కెటింగ్ సంస్థలు పెట్రోల్, డీజిల్ ధరలను లీటర్‌కు సుమారు రూ.7.50 మేర పెంచాయి. ఇదే సమయంలో కేంద్ర ప్రభుత్వం తాజా పక్షవార సమీక్షలో డీజిల్, ఏవియేషన్ టర్బైన్ ఫ్యూయల్ (ATF) ఎగుమతులపై సుంకాన్ని పెంచగా, పెట్రోల్ ఎగుమతులపై ఉన్న సుంకంలో మాత్రం ఎలాంటి మార్పు చేయలేదు.

ఇక వంటగ్యాస్ వినియోగదారులకు కూడా ఇటీవల ధరల భారం పడింది. జూన్ 7, 2026 నుంచి గృహ వినియోగ ఎల్పీజీ సిలిండర్ ధరను రూ.29 పెంచారు. గత మూడు నెలల్లో ఇది రెండోసారి పెంపు కావడం గమనార్హం. తాజా పెంపుతో ఢిల్లీలో 14.2 కిలోల గృహ వినియోగ ఎల్పీజీ సిలిండర్ ధర రూ.913 నుంచి రూ.942కు చేరింది.

ప్రజలు తమ నగరంలో అమలులో ఉన్న తాజా పెట్రోల్, డీజిల్ ధరలను మొబైల్ ఫోన్ ద్వారానే సులభంగా తెలుసుకోవచ్చు. ఇందుకోసం RSP <స్పేస్> డీలర్ కోడ్ టైప్ చేసి 92249 92249 నంబర్‌కు SMS పంపాలి. హైదరాబాద్‌కు 134483, విజయవాడకు 127611, విశాఖపట్నానికి 127290 డీలర్ కోడ్‌లను ఉపయోగించాలి. వెంటనే ఆయా ప్రాంతాల్లో అమల్లో ఉన్న తాజా ఇంధన ధరలు మొబైల్ సందేశంగా అందుతాయి. దీంతో ప్రతి రోజు పెట్రోల్, డీజిల్ ధరలను సులభంగా తెలుసుకునే అవకాశం ఉంటుంది.