“కొన్ని ఐఫోన్ డ్యుయో ఫోన్లలో లోపలి స్క్రీన్‌కు సంబంధించిన సమస్య ఉన్నట్లు మా దృష్టికి వచ్చింది. తమ ఐఫోన్ డ్యుయో స్క్రీన్‌లో సమస్యలు ఎదురైన వినియోగదారులు ఫోన్‌ను మార్చుకునేందుకు యాపిల్‌కేర్‌ను సంప్రదించాలి” అని కంపెనీ ఓ ప్రకటనలో తెలిపింది. అయితే, అసలు ఈ సమస్య ఎందుకు వస్తోందనే విషయంపై యాపిల్ ఎలాంటి వివరాలు వెల్లడించలేదు. ఎలక్ట్రానిక్ పరికరాలను విడదీసి వాటి నిర్మాణాన్ని పరిశీలించే రిపోర్టులు, వాటిని ఎలా రిపేర్ చేయాలో వివరించే గైడ్స్‌ను ప్రచురించే సంస్థ ఐఫిక్సిట్ ఈ సమస్యపై అధ్యయనం చేసింది. ఐఫోన్ డ్యుయో హింజ్ నిర్మాణాన్ని అర్థం చేసుకోవడానికి ఫోన్‌ను విడదీసిన వీడియోలు, పేటెంట్లు, సీటీ స్కాన్ చిత్రాలను ఉపయోగించింది. వీటి ఆధారంగా ఫోన్ హింజ్ ఎలా పనిచేస్తుందో చూపించే త్రీడీ నమూనాను రూపొందించింది. ఆ నమూనాను, వినియోగదారులు నివేదించిన స్క్రీన్ దెబ్బతిన్న ప్రాంతాలతో పోల్చి చూసింది. (image: Apple India)
