ఈ ప్రత్యేక రైళ్లు రెండు దిశల్లో కాచిగూడ, షాద్‌నగర్, మహబూబ్‌నగర్, వనపర్తి రోడ్, గద్వాల్, కర్నూల్ సిటీ, డోన్, గుత్తి, తాడిపత్రి, ఎర్రగుంట్ల, కడప, రాజంపేట, రేణిగుంట, తిరుపతి, చిత్తూరు, కాట్పాడి స్టేషన్లలో ఆగుతాయి. ఈ మార్గం ఆంధ్రప్రదేశ్ భక్తులకు కూడా ముఖ్యమైనది. కర్నూలు, కడప, తిరుపతి, చిత్తూరు వంటి ముఖ్యమైన ప్రాంతాలను కలుపుతూ ఈ రైలు తిరువణ్ణామలై చేరుతుంది. తిరుపతి, చిత్తూరు, కాట్పాడి స్టేషన్లు ఉండటం వల్ల తెలుగు రాష్ట్రాల్లోని వివిధ ప్రాంతాల నుంచి వచ్చే భక్తులకు కూడా ప్రయాణం సులభంగా ఉంటుంది. ఈ ప్రత్యేక రైళ్లలో 2ఏసీ, 3ఏసీ, స్లీపర్, జనరల్ సెకండ్ క్లాస్ కోచ్‌లు ఉంటాయి. దీంతో ప్రయాణికులు తమ అవసరానికి తగ్గట్టు వివిధ రకాల ప్రయాణ సౌకర్యాలను ఎంచుకోవచ్చు. (ప్రతీకాత్మక చిత్రం)
