UPI Lite: యూపీఐ లైట్‌ను చిన్న మొత్తాల లావాదేవీల కోసం రూపొందించారు. అర్హత ఉన్న చిన్న పేమెంట్లకు ప్రతిసారి యూపీఐ పిన్ ఎంటర్ చేయాల్సిన అవసరం లేకుండా, యూపీఐ లైట్ బ్యాలెన్స్‌లో ఉంచిన డబ్బుతో చెల్లించొచ్చు. అయితే దీనికి వర్తించే లిమిట్లు, ఇతర షరతులు ఉంటాయి. మొదట ఎన్‌పీసీఐ రూపొందించిన యూపీఐ లైట్ నిబంధనల్లో ఒక్కో లావాదేవీకి రూ.200 లిమిట్, యూపీఐ లైట్ బ్యాలెన్స్‌కు రూ.2,000 లిమిట్ ఉండేది. ఆ తర్వాత ఈ లిమిట్లలో మార్పులు వచ్చాయి. ప్రస్తుతం యూపీఐ లైట్ ద్వారా ఒక్క లావాదేవీకి గరిష్టంగా రూ.1,000 పేమెంట్ చేయొచ్చు. పిన్ అవసరం లేదు. వ్యాలెట్‌లో రూ.5,000 వరకు లోడ్ చేయొచ్చు. యూపీఐ లైట్ ద్వారా ఒక రోజులో గరిష్టంగా రూ.10,000 పేమెంట్స్ చేయొచ్చు. అయితే యూపీఐ లైట్‌ను ఉపయోగించే ముందు మీ బ్యాంక్ లేదా యూపీఐ యాప్‌లో ప్రస్తుతం చూపిస్తున్న లిమిట్‌ను చెక్ చేసుకోవడం మంచిది. రోజులో చాలాసార్లు చిన్న మొత్తాల్లో పేమెంట్లు చేసే వారికి యూపీఐ లైట్ సౌకర్యంగా ఉంటుంది. ఉదాహరణకు స్నాక్స్ కొనడం, లోకల్ ట్రాన్స్‌పోర్ట్‌కు డబ్బు చెల్లించడం, చిన్న షాపుల్లో పేమెంట్లు చేయడం లాంటివి. మరో ప్రయోజనం ఏంటంటే ఈ చిన్న లావాదేవీల కోసం ప్రధాన బ్యాంక్ అకౌంట్ పేమెంట్ ఫ్లోకు వేరుగా బ్యాలెన్స్ ఉంచుకోవచ్చు. (ప్రతీకాత్మక చిత్రం)
