సందర్భం C: రూ.15,000 నుంచి రూ.20,000 పరిమితికి మారితే
మూడో సందర్భం ఇప్పటికే EPF సభ్యుడిగా ఉన్న ఉద్యోగికి సంబంధించినది. సెప్టెంబర్ 16 వరకు పాత రూ.15,000 వేతన పరిమితి ఆధారంగా PF చందా చెల్లిస్తూ, సెప్టెంబర్ 17 నుంచి రూ.20,000 వేతన పరిమితి ఆధారంగా చందా లెక్కించే పరిస్థితిని EPFO ఇందులో వివరించింది. సెప్టెంబర్ 1–16 కాలానికి పాత రూ.15,000 పరిమితిని దామాషా పద్ధతిలో లెక్కిస్తే రూ.8,000 వస్తుంది. అంటే రూ.15,000 × 16/30. సెప్టెంబర్ 17–30 కాలానికి కొత్త రూ.20,000 పరిమితిని పరిగణనలోకి తీసుకుంటే రూ.9,333.33 వస్తుంది. ఈ రెండు మొత్తాలను కలిపితే సెప్టెంబర్ నెలకు మొత్తం EPF పరిగణనలోకి తీసుకునే వేతనం రూ.17,333.33 అవుతుంది. దీనిపై 12 శాతం ఉద్యోగి వాటా లెక్కిస్తే రూ.2,080 వస్తుంది. ఈ సందర్భంలో యజమాని EPFకు రూ.636.13, EPSకు రూ.1,443.87 చెల్లిస్తారు. EDLI, పరిపాలనాపరమైన ఛార్జీల కింద ఒక్కొక్కదానికి రూ.86.67 చొప్పున చెల్లించాల్సి ఉంటుంది. దీంతో సెప్టెంబర్ నెలకు మొత్తం చట్టబద్ధమైన చెల్లింపు రూ.4,333.34గా ఉంటుంది.
