భారతీయ రైల్వేలో రైలు ప్రయాణ భద్రతను మరింత పెంచే కీలక ముందడుగు పడింది. దక్షిణ మధ్య రైల్వేలో తొలిసారిగా కవచ్ వెర్షన్ 4.0ను విజయవంతంగా అందుబాటులోకి తీసుకొచ్చారు. హైదరాబాద్ డివిజన్‌లోని మల్కాజ్‌గిరి-కామారెడ్డి మార్గంలో 108 రూట్ కిలోమీటర్ల పరిధిలో కవచ్ 3.2 నుంచి కవచ్ 4.0కి అప్‌గ్రేడ్ చేశారు. ఈ మార్పులతో రైళ్ల భద్రత, సాంకేతిక సామర్థ్యం, నమ్మకమైన పనితీరు మరింత మెరుగుపడనుంది. భారతీయ రైల్వేలో దీన్ని పెద్ద స్థాయిలో అమలు చేయడానికి ప్రణాళికలు సిద్ధం చేస్తున్నారు. ముఖ్యమైన మార్పుల్లో రైలు ఎక్కడ ఉందో మరింత కచ్చితంగా గుర్తించేలా లొకేషన్ అక్యురసీని పెంచే ప్రక్రియ పూర్తయిందని భారతీయ రైల్వే తెలిపింది. దక్షిణ మధ్య రైల్వేలో ఇప్పటికే 1,465 రూట్ కిలోమీటర్ల మేర కవచ్ 3.2ను అమలు చేశారు. ఆ సమయంలో వచ్చిన అనుభవం ఆధారంగా కొత్త కవచ్ 4.0లో మరిన్ని సాంకేతిక మార్పులు చేశారు. ఈ కొత్త వెర్షన్‌తో రైళ్ల భద్రత, సాంకేతిక సామర్థ్యం, నమ్మకమైన పనితీరు మరింత మెరుగుపడనుంది. భారతీయ రైల్వేలో దీన్ని పెద్ద స్థాయిలో అమలు చేయడానికి ప్రణాళికలు సిద్ధం చేస్తున్నారు. (image: South Central Railways)
