పీఎం సూర్య ఘర్ ముఫ్త్ బిజిలీ యోజన పథకం ద్వారా కేంద్ర ప్రభుత్వ సబ్సిడీతో మీ ఇంటిపై రూఫ్‌టాప్ సోలార్ ఏర్పాటు చేసుకోవచ్చు. ప్రభుత్వ సబ్సిడీ తర్వాత దీని కోసం రూ.50 వేలకుపైన ఖర్చవుతుంది. ఈ ఖర్చుతో మీరు 1 కిలోవాట్ సోలార్ ప్లాంట్ ఏర్పాటు చేసుకోవచ్చు. 1 కిలోవాట్ సోలార్ పవర్ సిస్టమ్ అంటే సోలార్ ప్యానెల్స్ మొత్తం సామర్థ్యం 1 కిలోవాట్ ఉండే వ్యవస్థ. రోజుకు సుమారు 3 నుంచి 5 యూనిట్ల విద్యుత్ వినియోగించే చిన్న కుటుంబాలకు ఇది సరిపోతుంది. 1-2 బెడ్‌రూమ్ ఇళ్లలో ఫ్యాన్‌లు, లైట్లు, టీవీ, వై-ఫై రూటర్, మొబైల్ ఛార్జింగ్ వంటి సాధారణ అవసరాలకు ఇది ఉపయోగపడుతుంది. గ్రామీణ ప్రాంతాల్లో, తరచూ విద్యుత్ అంతరాయం ఎదురయ్యే చోట్ల కూడా ఈ సిస్టమ్ ఉపయోగకరంగా ఉంటుంది. అయితే ఎయిర్ కండిషనర్, గీజర్ లేదా పెద్ద హోమ్ బ్యాకప్ వంటి అధిక విద్యుత్ అవసరమయ్యే పరికరాలకు 1 కిలోవాట్ సిస్టమ్ సరిపోదు. (ప్రతీకాత్మక చిత్రం)
