అక్టోబర్ నెలలో వర్షాలు, వాతావరణంలో తేమ పెరగడం వల్ల ఇళ్లలో బల్లులు, బొద్దింకలు ఎక్కువగా కనిపించవచ్చు. బయటి వాతావరణంలో మార్పులు వచ్చినప్పుడు కొన్ని కీటకాలు పొడి, సురక్షితమైన ప్రదేశాల కోసం ఇళ్లలోకి వస్తుంటాయి. బొద్దింకలు ఆహార పదార్థాలు, తేమ ఉన్న ప్రదేశాల్లో ఎక్కువగా కనిపిస్తాయి. ఇక బల్లులు చిన్న కీటకాలను తినడానికి ఇళ్లలోకి వస్తుంటాయి. ముఖ్యంగా వంటగది, బాత్రూమ్, తలుపులు, కిటికీల దగ్గర వీటి బెడద ఎక్కువగా ఉండవచ్చు. దీపావళి పండుగకు ముందు ఇల్లు శుభ్రం చేసుకునే సమయంలో కొన్ని జాగ్రత్తలు పాటిస్తే వీటి సమస్యను నియంత్రించవచ్చు.
