న్యూస్18 హిందీ వెల్లడించిన కథనం ప్రకారం.. పాలిమర్ నోట్లు సాధారణ కాగితపు నోట్లతో పోలిస్తే ఎక్కువకాలం మన్నికగా ఉంటాయి. ఇవి తేమ, నీరు, దుమ్ము, చిరిగిపోవడం వంటి సమస్యలను తట్టుకునే సామర్థ్యాన్ని కలిగి ఉంటాయి. దీంతో నోట్లు త్వరగా పాడవకుండా ఉండటమే కాకుండా, మళ్లీ మళ్లీ కొత్త నోట్లు ముద్రించాల్సిన అవసరం కూడా తగ్గుతుంది. అలాగే నకిలీ నోట్ల తయారీని అడ్డుకునే ఆధునిక భద్రతా ఫీచర్లను కూడా పాలిమర్ నోట్లలో సులభంగా అమర్చవచ్చు. ఇప్పటికే ఆస్ట్రేలియా, కెనడా, యూకే, సింగపూర్, న్యూజిలాండ్ వంటి అనేక దేశాలు పాలిమర్ కరెన్సీని విజయవంతంగా వినియోగిస్తున్నాయి.
