Sitara Ghattamaneni: 14 ఏళ్లలోకి అడుగుపెట్టిన సితార.. మహేష్ బాబు, నమ్రత ఎమోషనల్ పోస్ట్..! | తెలుగు సినిమా వార్తలు

నమ్రత కూడా సితార బర్త్‌డే సందర్భంగా ఎమోషనల్ పోస్ట్ పెట్టింది. ‘మా జీవితాలకు ఎంతో ప్రేమను, ఆనందాన్ని నింపిన నా అందామైన పాపకు పుట్టినరోజు శుభాకాంక్షలు. నీ ఎదుగుదల చూడటమే మా జీవితంలో అతిపెద్ద ఆశీర్వాదం. లవ్ యూ సో మచ్..’ అంటూ పోస్ట్ పెట్టింది. ప్రస్తుతం వీరిద్దరి పోస్ట్‌లు వైరల్ అవుతున్నాయి. ఇక సితార నేటితో 14వ పడిలోకి అడుగు పెడుతుంది.

పేరుకు స్టార్ హీరో కూతురే అయినా.. సితార మాత్రం చాలా సింపుల్‌గా ఉంటుంది. ఇప్పటికే సోషల్ మీడియాలో సితారకు మాములు క్రేజ్ లేదు. ఆమె ఏ పోస్ట్ పెట్టినా సరే తెగ వైరల్ అవుతుంది. అంతేకాదు ప్రీమియం జ్యువెలరీ బ్రాండ్‌కు అంబాసిడర్‌‌గా మారి సత్తా చాటింది. చిన్న ఏజ్‌లోనే అతిపెద్ద యాడ్ క్రాంట్రాక్టు చేసి సంచలనం సృష్టించింది. ప్రతిష్టాత్మక జ్యువెలరీ బ్రాండ్ PMJ జ్యువెలరీకి బ్రాండ్ ప్రమోషన్స్ చేపట్టింది సితార ఘట్టమనేని. ఈ యాడ్ చేసినందుకు గాను ఆమె కోటి రూపాయలు తీసుకుందని టాక్.

ఓ స్టార్ హీరో కూతురుగా యాడ్స్ రంగంలో అడుగుపెట్టిన మొదటి కిడ్‌గా కూడా సితార సెన్సేషన్ క్రియేట్ చేసింది. ఈ నగల యాడ్‌లో ట్రెడిషినల్ డ్రెస్ వేర్‌లో కనిపించి అభిమానులను కనువిందు చేసింది. అంతేకాదు సితార చేసిన ఈ యాడ్.. ఆ మధ్య అమెరికాలోని న్యూయార్క్‌లో ఉన్న టైమ్ స్వ్కేర్ పై మెరవడంతో ఒక్కసారిగా హైలైట్ అయింది ఈ స్టార్ కిడ్.

నిజానికి ఈ యాడ్‌తో వచ్చిన రెమ్మ్యూనరేషన్ ఓ చారిటీకి ఇచ్చానని సితార ఓ ఇంటర్వ్యూలో తెలిపింది. ఈ మాటతో సితారపై తెలుగు జనాల్లో క్రేజ్ ఒక్కసారిగా పెరిగిపోయింది. ఇంత చిన్న వయసులోనే ఇంతలా ఆలోచించిందంటే ఎంత గొప్ప మనసు అంటూ అప్పట్లో తెగ వైరల్ చేశారు. ప్రస్తుతం సితార చదువుకుంటుంది. ఫ్యూచర్‌లో ఖచ్చితంగా ఇండస్ట్రీలోకి ఎంట్రీ ఇస్తుందని బాబు ఫ్యాన్స్ బల్ల గుద్ది చెబుతున్నారు. ప్రస్తుతం ఫుల్ ఫోకస్ చదువుపైనే పెట్టేసింది. అంతేకాదు మహేష్ బాబు, నమ్రతలు సితార కెరీర్‌ను పక్కాగా ప్లాన్ చేస్తున్నారట.