కొత్త స్కూటర్ కొనాలని ప్లాన్ చేస్తున్నారా? అయితే హోండా తీసుకొచ్చిన జాయ్ ఫెస్ట్ ఆఫర్లు మీకు ఉపయోగపడవచ్చు. ఈ పండుగ సీజన్‌లో కొత్త హోండా స్కూటర్ కొనేవారికి రూ.10,000 వరకు క్యాష్‌బ్యాక్, 5.99 శాతం నుంచి వడ్డీ రేట్లు, వాహనం ధరలో 100 శాతం వరకు ఫైనాన్స్, గరిష్ఠంగా 60 నెలల లోన్ గడువు వంటి ప్రయోజనాలను కంపెనీ ప్రకటించింది. హోండా యాక్టివా 125 కొనాలనుకునేవారు డీఎల్ఎక్స్, స్మార్ట్ వేరియంట్ల ధరలు, నెలవారీ ఈఎంఐలు, ఫీచర్ల గురించి తెలుసుకోవడం ముఖ్యం. ఈ వివరాలు తెలిస్తే మీ బడ్జెట్‌కు సరిపోయే వేరియంట్‌ను ఎంచుకోవడం సులభమవుతుంది. హోండా యాక్టివా 125 రెండు వేరియంట్లలో లభిస్తోంది. అవి డీఎల్ఎక్స్, స్మార్ట్. తెలంగాణలో హోండా యాక్టివా 125 డీఎల్ఎక్స్ ఎక్స్‌షోరూమ్ ధర రూ.94,817గా ఉంది. హోండా యాక్టివా 125 స్మార్ట్ వేరియంట్ ధర రూ.99,261గా ఉంది. అంటే డీఎల్ఎక్స్‌తో పోలిస్తే స్మార్ట్ వేరియంట్ ధర రూ.4,444 ఎక్కువ. ఇక్కడ గుర్తుంచుకోవాల్సిన విషయం ఏమిటంటే, ఇవి ఎక్స్‌షోరూమ్ ధరలు మాత్రమే. రిజిస్ట్రేషన్ ఛార్జీలు, ఇన్సూరెన్స్ ఖర్చులు, ఇతర వర్తించే ఛార్జీలు ఉంటాయి. (image: honda2wheelersindia)
