ఆధార్‌కు సంబంధించిన సమాచారం, సేవలు ఇక మరింత సులభంగా అందుబాటులోకి రానున్నాయి. యూనిక్ ఐడెంటిఫికేషన్ అథారిటీ ఆఫ్ ఇండియా (యూఐడీఏఐ) తన వెబ్‌సైట్‌ను కొత్త రూపంలో అందుబాటులోకి తీసుకొచ్చింది. వెబ్‌సైట్‌లో సమాచారం రియల్ టైమ్‌లో అందేలా మార్పులు చేశారు. ఆధార్ గురించి తెలుసుకోవడం, ఏదైనా సేవను పొందడం, అవసరమైన డాక్యుమెంట్‌ను వెతకడం, సహాయం కోరడం.. ఈ నాలుగు ప్రధాన అవసరాలను దృష్టిలో పెట్టుకుని కొత్త వెబ్‌సైట్‌ను మరింత సులభంగా ఉపయోగించుకునేలా రూపొందించారు. కొత్త వెబ్‌సైట్‌ను ఆధార్ బ్రాండ్ గైడ్‌లైన్స్‌కు అనుగుణంగా డిజైన్ చేశారు. దీంతో యూఐడీఏఐ వెబ్‌సైట్, మైఆధార్ పోర్టల్, ఆధార్ యాప్‌ల్లో ఒకే రకమైన విజువల్ గుర్తింపు కనిపిస్తుంది. (image: UIDAI)
