ప్రయాణ వివరాల్లోకి వెళితే, సచ్ఖండ్ ఎక్స్ప్రెస్ దాదాపు 2,000లకు పైగా కిలోమీటర్ల సుదీర్ఘ దూరాన్ని అధిగమిస్తుంది. ఈ సుదీర్ఘ ప్రయాణంలో రైలు మొత్తం 39 స్టేషన్లలో ఆగుతుంది. అయితే, ప్రయాణికులకు ప్రత్యేకంగా లంగర్ భోజనం అందించేందుకు ప్రధానంగా ఆరు ముఖ్యమైన కేంద్రాలు తోడ్పడుతున్నాయి. న్యూఢిల్లీ, భోపాల్, పర్భానీ, జల్నా, ఔరంగాబాద్, మరాఠ్వాడా ప్రాంతంలోని ప్రధాన స్టేషన్లలో ప్రయాణికులకు ఈ భోజనం అందుతుంది. ఈ స్టేషన్లలో రైలు ఆగే సమయం ప్రయాణికులు ప్రశాంతంగా ఆహారం స్వీకరించడానికి వీలుగా తగినంతగా ఉంటుంది. దాదాపు 33 గంటల పాటు సాగే ఈ ప్రయాణంలో ఉదయం అల్పాహారం, మధ్యాహ్నం భోజనం రాత్రి భోజనం… ఇలా మూడు పూటలా వేడివేడిగా భోజనాన్ని ఉచితంగా అందిస్తారు.
